Prezervativi femëror

Nëse përdoret si duhet, prezervativi femëror është një metodë kontraceptive dhe një mbrojtje efikase nga virusi i sidës dhe nga infeksionet tjera që barten seksualisht. 

Ç’është ?

Është një mbështjellës sintetik i butë (poliretan). Është i lubrifikuar dhe e pajisur me nga një unazë (rreth) në secilin skaj. Unaza e brendshme është e lirë brenda mbështjellësit. 

Metoda e veprimit

Pasi të jetë vendosur, mbështjellësi shtrihet plotësisht mbi muret e vaginës dhe ndalon kështu futjen e spermës brenda vaginës dhe uterusit (mitrës).
Nuk ka nevojë që të ketë një ereksion për ta vendosur atë. Ai pra mund të vendoset përpara kështu që pas derdhjes (ejakulimit) mashkulli nuk ka nevojë ta tërheq penisin para se të bie ereksioni.

• Ky prezervativ nuk mund të përdoret më shumë se një herë. 

Rekomandimet

• Shikoni mirë datën e skadimit të afatit.
• Ruajeni larg burimit të dritës, larg nxehtësisë dhe larg objekteve të mprehta ose prerëse.
• Për ta zvogëluar zhurmën që bëhet për shkak të fërkimit gjatë marrëdhënies seksuale, mund të vihet pak yndyrë (lubrifikant) brenda prezervativit.

Për një efikasitet maksimal, prezervativi duhet vendosur me rastin e secilit akt seksual edhe atë para secilit penetrim (të penisit).
Në krye të penisit, është një pikë yndyre e cila mund të përmbajë spermatozoide apo agjente infektuese si virusi i sidës te një person HIV pozitiv.

Përdorimi

Ndrydheni unazën e brendshme të prezervativit dhe futeni deri në fundin e vaginës. Unaza e jashtme, më e madhe, mbetet e vendosur mbi vulvën. 

Përgjatë penetrimit (futjes), mbajeni unazën e jashtme mbi vulvë ashtu që ë mbetet e vendosur si duhet.

Për ta nxjerrë, rrotulloni unazën e jashtme dhe tërhiqeni me kujdes.

Hidheni në shportë të mbeturinave e jo në WC. 

Prezervativi femëror griset tepër rrallë. Në këtë rast ka mundësi që ju keni nevojë për një kontracepsion urgjent. 

Ky duhet të bëhet sa më shpejt të jetë e mundur - në varësi nga metoda jo më vonë sesa 72 ose 120 orë pas marrëdhënieve seksuale jo të mbrojtura mjaftueshëm (shih «Kontracepsioni urgjent»).

Ku e gjej kontracepsionin urgjent?

• në qendrat e planifikimit familjar
• ajo shitet në farmaci pa udhëzimin e mjekut
• në shërbimet e urgjencës së spitaleve
• tek gjinekologët dhe mjekët e tjerë

Që të ndiheni më lehtë

Ushtrojeni e qetë, së pari kur jeni vetëm. Pastaj do të jetë shumë më lehtë kur jeni dy. Bisedoni paraprakisht lidhur me të edhe me partnerin tuaj. 

2015, SANTÉ SEXUELLE SUISSE, Fondation suisse pour la santé sexuelle et reproductive; ALECSS Association suisse latine des spécialistes en santé sexuelle, Éducation – Formation – Conseil; faseg, Fachverband sexuelle Gesundheit in Beratung und Bildung