Injeksioni 3 mujor

Ç’është ky ?

Injeksioni tre mujor është një substancë hormonale e ngjashme me progjesteronin, njëri nga hormonet që prodhohet nga ovaret e femrës. 

Hormoni gjestagen jepet me një gjilpërë (injektim). Ai i përgjigjet njërit prej hormoneve që prodhohen në ovaret. Gjilpëra për tre muaj mbron 12 javë nga një shtatzënie.

Mënyra e reagimit :

• Ajo i vë vezoret në pushim të gjatë dhe e pengon prodhimin e vezoreve nga ovaret.
• Ndikon në mukozën e mitrës, e cila nuk përgatitet tani e tutje për ta mbajtur vezën (të bëjë çerdhen).
• Kjo gjë shkakton gjakderdhje eventuale, të parregullta që prej ditës së injeksionit (gjilpërës) të parë, e cila gjakderdhje pakohet çdo herë e më shumë pas injeksioneve deri sa menstruacionet të ndalohen tërësisht, e kjo ndodh në shumicën e rasteve. 

Injeksioni

Injeksioni jepet :

• Të parën herë: gjatë 5 ditëve të para të menstruacioneve apo gjatë 10 ditëve pas lindjes.
• pastaj: çdo 12 javë; mirëpo duhet ta caktoni një takim te mjeku pas 10 javësh.
• Efekti vërehet tek 10 ditë pasi ta keni marr injeksionin e parë dhe vazhdon gjatë 12 javësh.
• Injeksioni merret te mjeku apo në ndonjë qendër të planifikimit familjar. Në raste të veçanta femra mund të mësojë që t’ia bëjë gjilpërën vetës.

Mbani mend !

Injeksioni tre mujor mund të shkaktojë gjakderdhje të parregullta, e sidomos pas injeksionit të parë. Mos u brengosni për këtë: është krejt normale.

Pasi t’i ndaloni injeksionet, menstruacionet dhe mundësia për të ngelë shtatzënë vijnë prapë spontanisht, mirëpo pas një periode e cila nuk është e njëjtë tek të gjitha femrat (tek disa zgjat 2 javë deri në 1 vit). 

Mirë të dihet

• Mbrojtjen më të mirë nga infeksioni me HIV ose infeksione të tjera seksualisht të transmetueshme ofron ‘safer sex’, kjo do të thotë:
  1. Gjatë marrëdhënieve me penetrim vaginal ose anal të përdoren gjithmonë kondomë për mashkullin ose femrën.
  2. Rekomandime të tjera, përshtatur situatës personale, mund të gjeni në ‘Safer-Sex-Check’ të faqes së internetit lovelife.ch.

2018, SANTÉ SEXUELLE SUISSE, Fondation suisse pour la santé sexuelle et reproductive; ALECSS Association suisse latine des spécialistes en santé sexuelle, Éducation – Formation – Conseil; faseg, Fachverband sexuelle Gesundheit in Beratung und Bildung